 قبل سفرتي للسعودية وصلتني طلبتي "سيروم زيتي لبشرة الوجه" من ماركة ألمانية Merme Berlin اللي كنت مرره متحمسة لها من كثر ماقريت عنها في عدة مواقع.. وتجارب البعض في الجامعة المهم.. البراند هذي مو كثير معروفة ولاكانت في حملة تسويق لها.. لأن بكل بساطة الزين يفرض نفسه قريت عنها كثير وخصوصاً عن محتويات هالمنتج.. يحتوي علي ١٠٠٪ على زيت ثمر الورد الطبيعي - نباتي وعضوي وخالي من المواد الحافظة  أخذته معاي واستخدمته طول جلستي بالريباض - تقريباً ثلاث أسابيع.. مره وحده بالصباح وكمان مره بالليل بعد روتين التنظيف.. يحتوي هالزيت على نسبة عالية الفيتامينات والمواد المغذية للبشرة ومضادات الأكسدة كذلك.. ولأحتوائه على هالمعززات فهو منتج رائع لمكافحة الشيخوخة .. والأهم انه مناسب لكل أنواع البشرة واللي عجبني كثييير بهالمنتح.. انو سهل وسلس إذا حطيته وتتشربه بشرتك بسرعة.. الأحلى انو مايترك طبقة دهنية.. خصوصاً مع جو الرياض الحار وطبيعة بشرتي بين المختلطة والدهنية.. التوازن اللى عطاها بشرتي رهيب بحيث انو مدها بالترطيب اللازم وبنفس الوقت ماتحسون بطبقة على بشرتكم ويتحكم بالدهون من نفس هالبراند فيه منتجين زيون أخرى.. واحد للشعر علاجي.. والآخر للجسم ونفس الشي ١٠٠٪ زيت نقي وعضوي.. وهالزيوت هي: زيت اللوز الحلو من أسبانيا بالتحديد.. والآخر زيت الأرقان ماادري الأركان :) المغربي انصح بهالمنتج كثير خصوصاً لفصل الصيف والجو الحار سواء جاف إو رطب.. تقدرون تطلبون هالمنتج ومنتجات أخرى من نفس هالبراند عن طريق موقعهم الأون لاين ويوصلون لكل أنحاء العالم الموقع MERME 
1 Comment
Sara
7/19/2018 11:08:30 am
شكرا على المواضيع المفيده Leave a Reply. |
Authorأنا مها سعودية مقيمة في ألمانيا.. مهتمة بالتاريخ واللغات و الثقافات المختلفة.. في هذه المدونة ArchivesCategories |
RSS Feed
